Menu

மதுரை மீனாட்சி அம்மன் கோவிலில் சித்திரை திருவிழா தொடங்கியது

சித்திரை திருவிழாவுக்கான முன்னோட்டமாக மீனாட்சி அம்மன் கோவிலில் நேற்று வாஸ்து சாந்தி பூஜை நடந்தது. இதில் கோவில் அதிகாரிகள் மற்றும் ஊழியர்கள் பங்கேற்றனர். வாஸ்து சாந்தி பூஜையையொட்டி அம்மனுக்கு சிறப்பு வழிபாடுகள் மற்றும் பூஜைகள் நடந்தன.


இந்த நிலையில் இன்று உலக பிரசித்தி பெற்ற மதுரை சித்திரை திருவிழா மீனாட்சி அம்மன் கோவிலில் கொடியேற்றத்துடன் தொடங்கியது. சரியாக இன்று காலை 10.10 மணிக்கு அலங்கரிக்கப்பட்ட தங்க கொடிமரத்தில் கொடி யேற்றப்பட்டது.


இதையொட்டி மீனாட்சி அம்மன், பிரியாவிடையுடன் சுந்தரேசுவரர் சிறப்பு அலங்காரத்தில் வீற்றிருந்தனர். கொடி ஏற்றப்பட்டதைத் தொடர்ந்து சுவாமி-அம்மனுக்கு சிறப்பு பூஜைகள் நடந்தன.


இதையடுத்து வெள்ளி சிம்மாசனத்தில் கோவிலில் உள்ள குலாளர் மண்டகப் படியில் சுவாமி-அம்மன் எழுந்தருளினர். அங்கு சிறப்பு வழிபாடுகள் நடந்தன.


இதையடுத்து இன்று இரவு 7 மணிக்கு மீனாட்சி அம்மன் கோவிலில் இருந்து சிம்ம வாகனத்தில் புறப்படும் சுவாமி-அம்மன் ஆகியோர் 4 மாசிவீதிகளில் எழுந்தருளி உலா வருகின்றனர்.

மதுரையில் விடிய விடிய கள்ளழகர் தசாவதாரம்!

தேனூர் மண்டபத்திலிருந்து மாலை 3.45 மணிக்கு...

Left Menu Icon