Menu

“தி.மு.க. சார்பில் அமைக்கப்பட்டுள்ள கூட்டணி சந்தர்ப்பவாத கூட்டணி” – எடப்பாடி பழனிச்சாமி

மதுரை நாடாளுமன்ற தொகுதி அ.தி.மு.க. வேட்பாளர் ராஜ்சத்யனை ஆதரித்து முதல்-அமைச்சர் எடப்பாடி பழனிசாமி நேற்று மதுரை பசுமலை பகுதியில் பிரசாரத்தை தொடங்கினார். அவருடன் அமைச்சர்கள் செல்லூர் ராஜூ, ஆர்.பி.உதயகுமார், புறநகர் வடக்கு மாவட்ட செயலாளர் ராஜன்செல்லப்பா, வேட்பாளர் ஆகியோர் உடன் சென்றனர். பிரசாரத்தில் எடப்பாடி பழனிசாமி பேசியதாவது:-


தி.மு.க. சார்பில் அமைக்கப்பட்டுள்ள கூட்டணி சந்தர்ப்பவாத கூட்டணி. வைகோ முன்பு கூறும் போது தி.மு.க. குடும்ப கட்சி என்றார். ஆனால் தற்போது அவர், ஸ்டாலின் முதல்வர் ஆக வேண்டும் என்று கூறுகிறார். அப்படி என்றால் இதில் எந்த கட்சி சந்தர்ப்பவாத கட்சி? வைகோ ம.தி.மு.க. என்ற கட்சியை நடத்துகிறார். அதற்கு என்று சின்னம் இருக்கிறது. ஈரோட்டில் ம.தி.மு.க வேட்பாளர் போட்டியிடுகிறார். ஆனால் அவர் உதயசூரியன் சின்னத்தில் போட்டியிடுகிறார். அப்படி என்றால் நீங்கள் எந்த கட்சியை சேர்ந்தவர்கள். ம.தி.மு.க.வா அல்லது தி.மு.க.வா? உங்கள் கட்சியை இணைத்து விட்டீர்களா? எனவே தான் நாங்கள் அதனை சந்தர்ப்பவாத கூட்டணி என்கிறோம்.


அ.தி.மு.க.வை பொறுத்தமட்டில் நாடு செழிக்க வேண்டும். நாட்டு மக்களுக்கு அனைத்து திட்டங்களும் கிடைக்க வேண்டும் என்பதற்காகத்தான் கூட்டணி அமைக்கப்பட்டது. இதன் மூலம் தமிழகம் வளர்ச்சி பாதையில் பீடு நடை போட வேண்டும். ஆனால் தி.மு.க.வினர் எண்ணம் அப்படியில்லை. அவரது குடும்பத்தை சேர்ந்தவர்கள் பதவிக்கு வரவேண்டும் என்பதற்காக அமைத்துள்ளனர்.

Facebook Comments

சாதனைகளை நோக்கி ஓடிக்கொண்டிருக்கும் “அஸ்வினி ஆனந்த்”

அஸ்வினி ஆனந்த்: மதுரையை பூர்வீகமாகக்...

Left Menu Icon