Menu

September 20, 2018
Madurai 03:49 AM +24°C

மதுரையில் 16 வயது சிறுவன் இயக்கிய கார் மோதி மூதாட்டி பலி !

மதுரையில் 16 வயது சிறுவன், இயக்கிய கார் எதிர்பாரதவிதமாக மூதாட்டி மீது மோதியதில், அவர் சம்பவ இடத்திலேயே உயிரிழந்த சம்பவம் நிகழ்ந்துள்ளது.

மதுரை, மதிச்சியம், வைகை வடகரையைச் சேர்ந்தவர் பழனியம்மாள்(60). இவர் அப்பகுதியிலுள்ள சாலையோரத்தில் இட்லிக்கடை நடத்தி வந்துள்ளார்.

இந்நிலையில் இன்று காலை, இந்த பகுதிக்கு முதியவரும், அவரது பேரனும்(16) தங்களது காரில் வந்துள்ளனர். அப்போது சிறுவன் இயக்கிய கார் எதிர்பாரதவிதமாக பழனியம்மாள் மீது மோதியதில் அவர் மயக்க நிலைக்கு சென்றுவிட்டார்.

இதனையடுத்து அவரை மீட்டு, சிகிச்சைக்காக ராஜாஜி மருத்துவமனையில் அனுமதித்தனர். ஆனால் அவரை பரிசோதித்த மருத்துவர்கள் பழனியம்மாள் ஏற்கெனவே இறந்து விட்டதாக தெரிவித்தனர்.

இந்நிலையில் இந்த சம்பவம் குறித்து பழனியம்மாளின் மகன் குணசேகரன் கொடுத்த புகாரின் பேரில் வழக்குப்பதிவு செய்த தல்லாகுளம் காவல்துறையினர் முதியவர் மீதும், அவரது பேரன் மீதும் வழக்குப்பதிவு செய்துள்ளனர்.

Leave a Reply

Left Menu Icon